బ్లాగర్లకు...బ్లాగ్ వీక్షకులకు....స్వాగతం.......సుస్వాగతం
............... "బ్లాగ్ వేదిక"లోని అన్ని బ్లాగుల కొరకు ఇక్కడ క్లిక్ చేయండి

నరరూప రాక్షసుల్ని సైతం వణికిస్తున్న కరోనా


నరరూప రాక్షసుల్ని సైతం వణికిస్తున్న కరోనా

China-Coronavirus-Effect-on-isis-Terrorists
నరరూప రాక్షసుల్ని సైతం వణికిస్తున్న కరోనా
వారు మనుషులు రూపంలో ఉన్న నరరూప రాక్షసులు. ఈ భూమి మీద తమకు నచ్చని వారిని ఎంత దారుణంగా.. అమానవీయంగా హింసించి చంపాలో వారికి తెలిసినంత బాగా మరెవరికీ తెలీదని చెబుతారు. ఇక.. మహిళల్ని అయితే.. సెక్స్ బానిసలుగా చేస్తూ.. తాము ఆడపిల్లలుగా ఎందుకు పుట్టామురా భగవంతుడా అంటూ నిత్యం ఏడ్చేలా నరకయాతనకు గురి చేస్తుంటారు.

ఎదుటోళ్లను హింసించి.. వారి వేదనకు పండుగ చేసుకునే ఆ నరరూపరాక్షసులే ఐసిస్ ఉగ్రవాదులు. తమ తీరుతో ప్రపంచాన్ని వణికించిన వారిని.. కంటికి  కూడా కనిపించని కరోనా వైరస్ వణికిస్తోంది. ప్రాణభయంతో వారంతా జాగ్రత్తలు తీసుకునేలా చేస్తోంది. తమ చేష్టలతో ప్రపంచానికి వణుకు పుట్టించిన ఐసిస్ ఉగ్రవాదులు.. కరోనా వైరస్ విషయంలో అప్రమత్తంగా ఉంటున్నారు. కరోనా తీవ్రత ఎక్కువగా ఉన్న దేశాలకు ఎట్టి పరిస్థితుల్లోనూ వెల్లవద్దంటూ ఐసిస్ ప్రకటించింది.

దీనికి సంబంధించిన ఆసక్తికర అంశాలు అల్ నబా మ్యాగ్ జైన్ లో ప్రకటించారు. ఈ సందర్భంగా ఐసిస్ ఉగ్రవాదులు.. కరోనా ప్రభావిత దేశాల వైపు అస్సలు వెళ్లొద్దని.. రోజులో వీలైనన్నిసార్లు చేతుల్ని శుభ్రంగా కడుక్కోవాలని పేర్కొంది. ఆరోగ్య నిఫుణులు చేసిన సూచనల్ని తూచా తప్పకుండా అమలు చేయాలని చెప్పింది.



బయటకు వెళ్లేటప్పుడు మాస్కులు ధరించాలని కోరింది. ఏమైనా.. ప్రపంచాన్ని వణుకు పుట్టేలా చేసిన ఐసిస్ లాంటి కసాయి ఉగ్రవాదులకు సైతం వెన్నులో చలిపుట్టేలా చేసిన ఘనత మాత్రం కరోనాకే చెల్లుతుందనటంలో సందేహం లేదు.

No comments:

Post a Comment

Related Posts Plugin for WordPress, Blogger...