*ప్రేమను జయించిన న్యాయం* | * Justice conquered by love *

* Justice conquered by love *

🔸 భారతదేశాన్ని పాలించిన మొగల్ పాదుషాల లో జహంగీర్ తన న్యాయ పాలన వల్ల గొప్ప ఖ్యాతి గడించాడు.
🔸 న్యాయం విషయంలో తన ప్రియాతి ప్రియమైన భార్య రాణి నూర్జహాన్ ను కూడా క్షమించలేదు.
🔸 ఆ గాధ మరుపు రానిది ప్రఖ్యాతి గాంచింది.

1. ఒకసారి రాణి నూర్జహాన్ పచార్లు చేస్తూ ఉంది సాధారణంగా చుట్టుప్రక్కల ఏ మగవాడూ సంచరించకుండా ఏర్పాటు ఉంటుంది.
2. అదే సమయంలో ఒక చాకలివాడు అనుకోకుండా అటు వైపు రావడం జరిగింది.
3. అతని దృష్టి పచార్లు చేస్తున్న రాణి పై పడింది. రాణి కూడా అతన్ని చూసింది.
4. పరపురుషుని దృష్టిలో తాను పడ్డందుకు ఆమెకు ఎంతో సిగ్గు, కోపం కలిగాయి.
5. వెనకా ముందు ఆలోచించకుండా బాణం తీసుకుని అతని పైకి వదిలింది.
6. చాకలి అక్కడికక్కడే ప్రాణాలు కోల్పోయాడు.
7. చాకలి వారసులు రాణి నూర్జహాన్ పై హత్యారోపణ చేశారు. కేసు కోర్టుకు వెళ్లింది, పరిశోధన జరిగింది. న్యాయ విచారణ ప్రారంభమైంది.
8. నూర్జహాన్ నిజాన్ని దాచలేదు. నేరాన్ని ఒప్పుకుంది. అతన్ని బాణంతో కూల్చింది తానే అని చెప్పింది.
*9. రాజు, న్యాయాధిపతి అయిన జహంగీర్, నూర్జహాన్ కు ఉరిశిక్ష  విధించాడు.*
10. రాణి నూర్జహాన్ను  మామూలు ఖైదీ లాగా బంధించి చెరసాలకు తీసుకుని వెళ్లారు.
11. హత్య నేరాలు చేసిన వారికి లభించే భోజన పానీయాలే ఆమెకు ఏర్పాటు చేయబడ్డాయి.
12. జహంగీర్ ఇచ్చిన ఈ తీర్పు రాజధానిలో కలవరం సృష్టించింది.
13. ప్రజలు రాణి నూర్జహాన్ ను  శిక్ష నుండి తప్పించడానికి ఉపాయాలు ఆలోచించసాగారు.
14. పాదుషాకు సిఫార్సులు చేశారు.
15. కానీ పాదుషా తన తీర్పును మార్చటానికి సిద్ధం కాలేదు.
16. చాకలి వారసులు తాము కోరినంత రక్త పరిహారం తీసుకుని "ప్రాణానికి ప్రాణం" అనే వాదనను విడనాడవలెను అని ప్రజలు నచ్చజెప్ప ప్రయత్నించారు.
17. పాదుషా తీర్పుకు చాకలి కుటుంబీకులు కూడా చాలా ప్రభావితులయ్యారు.
18. రక్త పరిహారం గురించి వారికి నచ్చ చెప్పటం జరిగింది.
19. చివరకు వారు రాణి నూర్జహాన్ ను క్షమించడానికి సంసిద్ధులయ్యారు.
20. వారు క్షమాపణ పత్రం రాసి పాదుషాకు సమర్పించారు.
21. అప్పటికిగాని రాజు తన తీర్పును మార్చుకోలేదు. మహారాణి ప్రాణాలు దక్కాయి.

నూర్జహాన్ అంటే జహంగీర్ కు ఎంత ప్రేమో క్షమాభిక్ష తరువాత ఆయన ఆమెతో అన్న మాటలు వ్యక్తం చేస్తాయి.

*"రాణి! నీవు మరణించి ఉంటే నేను మాత్రం జీవించి ఉండేవాణా?"*

బ్రిటన్ రాజుకు శిరచ్చేధనమైన వేళ.... | When the King of Britain was beheaded...

 బ్రిటన్ రాజుకు శిరచ్చేధనమైన వేళ.... | When the King of Britain was beheaded...

WhatsApp group links in English

WhatsApp group links in English: Hi guys, this time the WhatsApp group participation links are back with the WhatsApp group links in English 2020 where you can practice your English on WhatsApp with strangers and improve your speaking skills. Before joining any of the English groups, be sure to follow the group rules, otherwise you will be removed from the group administrator.

కేంద్ర హోం మంత్రి అమిత్ షా కు కరోనా నెగటివ్ - వారంలోపే కోలుకున్నారంటూ తివారీ ట్వీట్

అమిత్ షా కు కరోనా నెగటివ్ - వారంలోపే కోలుకున్నారంటూ తివారీ ట్వీట్

కరోనా పాజిటివ్ తో హాస్పటల్ లో జాయినయిన కేంద్ర హోం మంత్రి అమిత్ షా కరోనా మహమ్మారి నుండి  కోలుకున్నారని, తాజాగా నిర్వహించిన టెస్టుల్లో ఆయనకు నెగటివ్ వచ్చిందని షా సహచర బీజేపీ ఎంపీ, ఢిల్లీ బీజేపీ మాజీ చీఫ్ మనోజ్ తివారీ ఆదివారం ట్విటర్ లో ఈ సమాచారాన్ని షేర్ చేశారు. దీంతో దేశవ్యాప్తంగా బీజేపీ శ్రేణులు, షా అభిమానులు కుదుటపడ్డారు. 55ఏళ్ల అమిత్ షా.. జులై 29నాటి కేంద్ర కేబినెట్ భేటీ తర్వాత అస్వస్థతకు గురయ్యారు. కరోనా లక్షణాలతో ఈనెల 2న గుర్గావ్ లోని మేదాంత ఆస్పత్రిలో చేరారు. తనతో కాంటాక్ట్ అయినవాళ్లందరూ ఐసోలేషన్ లోకి వెళ్లి టెస్టులు చేయించుకోవాలని ఆయన సూచించారు. షా తర్వాత అర డజను మంది కేంద్ర మంత్రులు కరోనా పాజిటివ్ గా తేలడం గమనార్హం. వారిలో ''భాబీజీ అప్పడాలు తింటే కరోనా రాదంటూ'' ప్రచారం చేసిన అర్జున్ రామ్ మేఘావాల్ కూడా ఉన్నారు. మొత్తానికి వారం రోజుల్లోపే షా కొవిడ్ నుంచి కోలుకోవడం గమనార్హం.

India surpasses Italy in corona deaths | కరోనా మరణాల్లో ఇటలీని దాటేసిన భారత్

India surpasses Italy in corona deaths | కరోనా మరణాల్లో ఇటలీని దాటేసిన భారత్

కరోనా మరణాల్లో ఇటలీని దాటేసిన భారత్

భారత దేశంలో కరోనా కేసులు మరణాలు విపరీతంగా పెరిగిపోతున్నాయి. గత 24 గంటల్లో 35 వేలకు పైగా కొత్త కేసులు నమోదు కాగా 779 మరణాలు చోటు చేసుకున్నాయి. నిన్న ఒక్కరోజు 55వేలకు పైగా కొత్త కేసులు నమోదయ్యాయి. దేశంలో మొత్తం కరోనా కేసులు 16.4 లక్షలు దాటాయి. ఇందులో యాక్టివ్ కేసులు 547726 కాగా రికవరీలు 1060000 ఉన్నాయి. మరణాలు 35817గా ఉన్నాయి. ఈ రోజు మధ్యాహ్నం వరకు 31 మంది మరణించారు.

కరోనా కేసుల్లో మరణాల్లో భారత్ ఇతర దేశాలను దాటుతోంది. భారత్లో 130 కోట్ల మందికి పైగా ప్రజలు ఉంటారు. ఇతర దేశాల్లో తక్కువ జనాభా ఉంటుంది. ఆ లెక్కన మన వద్ద మరణాల రేటు తక్కువగా ఉన్నప్పటికీ రోజురోజుకు పెరగడం ఆందోళన కలిగించే విషయం. ఈ రోజు మరణాల్లో మన దేశం ఇటలీని దాటేసింది. ఇటలీలో ఇప్పటి వరకు 35132 మంది మృతి చెందగా ఇండియాలో 35817 ఉన్నాయి.

కేంద్ర ప్రభుత్వం సంచలనం... 18 ఏళ్ల వరకు నిర్బంధ విద్య

కేంద్ర ప్రభుత్వం సంచలనం... 18 ఏళ్ల వరకు నిర్బంధ విద్య

కేంద్ర ప్రభుత్వం సంచలనం... 18 ఏళ్ల వరకు నిర్బంధ విద్య

దేశ ప్రధానిగా పదవీ బాధ్యతలు చేపట్టిన తర్వాత నరేంద్ర మోదీ దాదాపుగా అన్ని వ్యవస్థలను సమూలంగా ప్రక్షాళన చేసుకుంటూ వస్తున్నారు. ఇందులో భాగంగా ఇప్పుడు దేశంలో అమలు అవుతున్న విద్యా వ్యవస్థను కూడా సమూలంగా ప్రక్షాళన చేస్తూ జాతీయ విద్యా విధానం (నేషనల్ ఎడ్యుకేషన్ పాలసీ-2020) పేరిట రూపొందిన నివేదికకు మోదీ సర్కారు బుధవారం ఆమోద ముద్ర వేసింది. వెరసి మొత్తంగా దేశంలో ఇప్పటిదాకా అమలు అవుతున్న విద్యా వ్యవస్థను సమూలంగా ప్రక్షాళన చేస్తూ సంచలన నిర్ణయం తీసుకుంది.

ప్రాథమిక విద్యను మాతృభాషలోనే బోధించాలన్న కీలక విషయంతో పాటు ఆయా తరగతుల నుంచి పై తరగతులకు వెళ్లేందుకు నిర్వహిస్తున్న పరీక్షల విధానాన్ని కూడా సమూలంగా మార్చివేసింది. దేశవ్యాప్తంగా ఆసక్తి రేకెత్తిస్తున్న ఈ జాతీయ విద్యా విధానంలో పిల్లలకు 18 ఏళ్ల వయసు వచ్చేదాకా నిర్బంధ విద్యను కొనసాగించాలని కూడా మోదీ సర్కారు తీర్మానించింది. ఇప్పటిదాకా నిర్బంధ విద్య 14 ఏళ్ల వయసు వరకు మాత్రమే పరిమితం కాగా... దానిని 18 ఏళ్లకు పెంచుతూ మోదీ సర్కారు నిర్ణయం తీసుకుంది. ఇక నూతన జాతీయ విద్యా విధానంలో ఉన్న ప్రధాన అంశాలు ఏమిటన్న విషయంలోకి వెళితే...

ISIS seeks to inflict corona on India .. | భారీ కుట్రకు తెర : భారత్ లో కరోనాను అంటించి దెబ్బ తీయాలని చూస్తున్న ఐసిస్..

భారత్ లో కరోనాను అంటించి దెబ్బ తీయాలని చూస్తున్న ఐసిస్.. 

భారత్ లో కరోనాను అంటించి దెబ్బ తీయాలని చూస్తున్న ఐసిస్

దారుణమైన మైండ్ సెట్ తో ప్రపంచాన్ని వణికించిన ఇస్లామిక్ స్టేట్ ఉగ్రవాద సంస్థ దుర్మార్గం మరోసారి బయటకు వచ్చింది. కరోనా కాలంలో విలవిలలాడిపోతున్న తీరును తమకు అవకాశంగా మార్చుకోవాలని ఆ సంస్థ భావిస్తోంది. ఇందులో భాగంగా భారత ముస్లింలను టార్గెట్ చేసుకుంది. తనకు చెందిన ఆన్ లైన్ పబ్లికేషన్ అయిన వాయిస్ ఆఫ్ హింద్ లో భారత్ మీద తనకున్న కసిని వ్యక్తం చేసింది.

భారత్ ను దెబ్బ తీయటం కోసం ఐసిస్ దుర్మార్గం తాజాగా బయటకు వచ్చింది. భారత్ పై దాడికి కరోనాను ఒక అవకాశంగా మార్చుకోవాలని భావిస్తోంది. ఇందులో భాగంగా కరోనా క్యారియర్లుగా ముస్లింలు మారాలని పిలుపునిచ్చింది. తాజా పరిస్థితుల నేపథ్యంలో పదిహేడు పేజీల లాక్ డౌన్ స్పెషల్ ఎడిషన్ విడుదల చేసిన సదరు సంస్థ.. నాస్తికుల్ని చంపేయాలని పిలుపునివ్వటం గమనార్హం. భారత్ పై పూర్తిస్థాయిలో దాడి చేయాలని పిలుపునిచ్చింది.

Will India's population decline What is actually going on | భారత జనాభా తగ్గిపోనుందా? అసలేం జరుగుతోంది?

భారత జనాభా తగ్గిపోనుందా? అసలేం జరుగుతోంది?

Will India's population decline What is actually going on

2100 సంవత్సరం నాటికి భారత జనాభా 100కోట్లకు పడిపోతుందని.. ఇప్పటితో పోలిస్తే 30-35 కోట్ల మంది వరకు జనాభా తగ్గిపోతుందని ప్రముఖ వైద్య జర్నల్ లాన్సెట్ ఓ నివేదికలో పేర్కొంది.

అయితే ప్రపంచంలోనే అత్యధిక జనాభా గల దేశంగా భారత్ నిలుస్తుంది. మన తర్వాత నైజిరియా చైనా అమెరికా పాకిస్తాన్ లు నిలుస్తాయి. ప్రస్తుతం 780 కోట్లు ఉన్న ప్రపంచ జనాభా 2100 నాటికి 880కోట్లకు పెరుగుతుందని నివేదికలో పేర్కొంది.

చైనాను భారత్ 2027 కల్లా జనాభాలో దాటేస్తోంది. 2047నాటికి 161 కోట్లకు చేరుతుంది. తగ్గుతున్న గర్భధారణ రేటు వృద్ధుల సంఖ్య పెరగడం.. వివాహాల వయసు పెరగడం.. కుటుంబ నియంత్రణ.. కాన్పుకు కాన్నుకు మధ్య దూరం వంటివి జనాభా తగ్గుదలకు కారణంగా నివేదిక పేర్కొంది.

వైరస్ పై డబ్ల్యూహెచ్ఓ సంచలన ప్రకటన

వైరస్ పై డబ్ల్యూహెచ్ఓ సంచలన ప్రకటన

మహమ్మారి వైరస్ వ్యాప్తిపై ప్రపంచ ఆరోగ్య సంస్థ (డబ్య్లూహెచ్ఓ) నిరంతరం పర్యవేక్షణ చేస్తోంది. ఈ వైరస్ కట్టడి.. నివారణ.. మందు కనిపెట్టుట.. వంటి వాటిపై డబ్ల్యూహెచ్ఓ దృష్టి సారించింది. ప్రస్తుతం వైరస్ వ్యాప్తి తీవ్రంగా ఉంది. ప్రపంచ దేశాల్లో వైరస్ వ్యాప్తిని అరికట్టడానికి చర్యలు తీసుకుంటోంది. ఈ క్రమంలో ప్రస్తుతం వైరస్ వ్యాప్తిపై డబ్ల్యూహెచ్ఓ సంచలన ప్రకటన చేసింది. ఇకపై ఈ వైరస్ ఇప్పట్లో వైరస్ అంతం కాదని ఇంకా ప్రభంజనం కొనసాగుతుందని కీలక ప్రకటన చేసింది.

ప్రస్తుతం వైరస్ వ్యాప్తి ఇంకా తీవ్రమవడానికి అనువైన వాతావరణం ఉందని.. ఇంకా ఉధృతి పెరుగుతుందని డబ్ల్యూహెచ్ఓ డైరెక్టర్ జనరల్ టెడ్రోస్ అథనామ్ మంగళవారం తెలిపారు. ప్రస్తుత వాతావరణం వైరస్ వ్యాప్తికి కారణమవుతోందని.. ఇంకా పెద్ద సంఖ్యలో ప్రజలు వైరస్ బారిన పడతారని ఆందోళన వ్యక్తం చేశారు. కొన్ని దేశాల్లో వైరస్ కట్టడి చర్యలు సమగ్రంగా అమలవుతున్నాయని.. మరికొన్ని దేశాల్లో ఇంకా పకడ్బందీగా అమలు చేయాలని ఆదేశించారు. అన్ని దేశాల్లో సమగ్ర చర్యలు తీసుకోవాలని డబ్ల్యూహెచ్ఓ సూచించింది.

చైనాకు మరో షాక్: మరో సంచలన నిర్ణయం తీసుకోనున్న భారత్

చైనాకు మరో షాక్: మరో సంచలన నిర్ణయం తీసుకోనున్న భారత్

సరిహద్దుల్లో ఉద్రిక్త పరిస్థితికి కారణమైన చైనాపై సాధారణ ప్రజలతోపాటు భారత ప్రభుత్వానికి తీవ్ర ఆగ్రహం ఉంది. డ్రాగన్ దేశానికి ఎలాగైనా బుద్ధి చెప్పాలని భారత్ భావిస్తోంది. ఈ క్రమంలోనే చైనా ఆర్థిక వ్యవహారాలను దెబ్బ తీసేలా భారత్ చర్యలు చేపట్టింది. ఈ క్రమంలోనే చైనా వస్తువులు.. ఉత్పత్తులు.. సేవలు బహిష్కరించాలని ఉద్యమం వస్తోంది. దీనిలో భాగంగా తాజాగా 59 చైనా యాప్ లపై నిషేధం విధించి షాకిచ్చిన భారత్ ఇప్పుడు మరికొన్ని కీలక నిర్ణయాలు తీసుకోబోతోంది. కీలక దిగుమతులను అడ్డుకునే దిశగా భారత్ సమాలోచనలు చేస్తోంది. అదే జరిగితే మాత్రం చైనాకు భారీ ఎదురుదెబ్బ తగలనుంది. ఆ దేశ ఉత్పత్తి సంస్ధలు భారీగా నష్టపోనున్నాయి. ఈ అంశంపై ఇప్పటికే అత్యున్నత స్ధాయిలో కేంద్ర ప్రభుత్వం చర్చలు చేస్తోంది.

గల్వాన్ లోయలో భారత సైనికులపై దాడి తర్వాత చైనాపై భారత వైఖరి పూర్తిగా మారిపోయింది. కీలకమైన చైనా ఉత్పత్తులను ఒక్కొక్కటిగా నిషేధిస్తూ రావాలని భావిస్తున్న కేంద్రం... తొలి విడతగా 59 పాపులర్ మొబైల్ యాప్ లను నిషేధించింది. దీనిపై చైనా ఆగ్రహం వ్యక్తం చేస్తోంది. అయినా భారత్ వెనకడుగు వేయడం లేదు. తదుపరి చర్యపై కేంద్రం దృష్టి సారించింది.

స్విస్ బ్యాంక్ ఖాతాలు...77వ స్థానంలో ఇండియా!

స్విస్ బ్యాంక్ ఖాతాలు...77వ స్థానంలో ఇండియా!

స్విస్ బ్యాంకుకు సంబంధించి తాజా రిపోర్ట్ వెల్లడైంది. 2019లో భారతీయుల డిపాజిట్లు 6 శాతం తగ్గి రూ.6625 కోట్లకు పరిమితమయ్యాయని స్విస్ బ్యాంకు ప్రకటించింది. భారతీయులు సొమ్ము భద్రపరిచే విధానం 5.8 శాతం పడిపోయినట్లు స్పష్టమైంది. గురువారం విడుదల చేసిన వార్షిక నివేదికలో బ్యాంక్ ఈ వివరాలు తెలిపింది. ఆ బ్యాంకులో ఖాతాలు ఉన్న దేశాల్లో భారత్ 77వ స్థానంలో నిలిచింది. గత ఏడాది చివరి కల్లా స్విస్ బ్యాంకులో సొమ్ము దాచిపెట్టిన భారతీయ పౌరులు సంస్థల జాబితా ఆధారంగా ఈ కొత్త ర్యాంకులను వెల్లడించారు.

2018లో 74వ స్థానంలో ఉన్న భారత్.. ఇప్పుడు 77వ స్థానానికి పడిపోయింది. స్విస్ నేషనల్ బ్యాంక్ తాజాగా దీనికి సంబంధించిన గణాంకాలను రిలీజ్ చేసింది. స్విస్ బ్యాంకులో డబ్బు దాస్తున్న భారతీయుల సంఖ్య క్రమంగా పడిపోతున్నది. ఎస్ ఎన్ బీకి చెందిన భారతీయ బ్రాంచిల్లోనూ ఆ సంఖ్య తగ్గినట్లు తేలింది. స్విస్ బ్యాంకుల్లో విదేశీయులు దాచిపెట్టన సొమ్ములో భారత వాటా కేవలం 0.06 శాతం మాత్రమే ఉన్నట్లు స్విస్ నేషనల్ బ్యాంక్ తన రిపోర్ట్లో పేర్కొన్నది.

భూమిపై 8వ ఖండం కనుగొన్నారు.. ఎక్కడంటే?

భూమిపై 8వ ఖండం కనుగొన్నారు.. ఎక్కడంటే?

భూమిపై ఇప్పటిదాకా ఏడు ఖండాలే.. కానీ ఇప్పుడు 8వ ఖండాన్ని శాస్త్రవేత్తలు కనుగొన్నారు. దానికి ‘జిలాండియా’ అనే పేరు పెట్టారు. న్యూజిలాండ్ దేశానికి దగ్గరలో ఈ ఖండం ఉంది.

ఒకప్పుడు అన్ని ఖండాల్లోనే జిలాండియా కూడా సముద్రంలో పైకి తేలుతూ ఉండేదట.. కొన్ని కారణాల వల్ల ఇది సముద్రంలో కలిసిపోయింది. 2017లో దీన్ని శాస్త్రవేత్తలు గుర్తించారు.

జిలిండియా చిన్న ఖండం ఏమీ కాదు.. దాదాపు 50 లక్షల చదరపు కిలోమీటర్ల విస్తీర్ణంలో ఇది వ్యాపించి ఉందని శాస్త్రవేత్తలు చెబుతున్నారు.

తాజాగా న్యూజిలాండ్ శాస్త్రవేత్తలు బాతిమెట్రి అనే విధానం ద్వారా ఈ ఖండం మ్యాప్ ను తయారు చేశారు. 50 లక్షల చదరపు కిలోమీటర్ల విస్తీర్ణంలో వ్యాపించిన ఈ జిలాండియా ఖండంలో కేవలం 6శాతం మాత్రమే సముద్రం పైకి కనిపిస్తుండడం గమనార్హం.

న్యూ క్యాలడోనియా దీవులు విస్తరించిన ప్రాంతంలో ఈ జిలాండియా ఖండం ఉంది. 1995లో బ్రూస్ లుయెండిక్ అనే భౌతిక శాస్త్రవేత్త మొదట ఎనిమిదో ఖండాన్ని గుర్తించారు. దానికి ఆ పేరు పెట్టారు.

ప్రధాన పత్రికకు కరోనా సెగ..16మందికి పాజిటివ్

ప్రధాన పత్రికకు కరోనా సెగ..16మందికి పాజిటివ్

హైదరాబాద్ లో కరోనా విచ్చలవిడిగా అందరికీ సోకుతోందన్న విమర్శలున్నాయి. తెలంగాణ ప్రభుత్వం పెద్దగా టెస్టులు చేయకపోవడంతో ఎవరికి ఉందో ఎవరికి లేదో తెలియడం లేదు. ఉన్నవారు కరోనా బాంబర్లుగా మారి అందరికీ అంటించేస్తున్నారు. ఈ క్రమంలోనే అనుమానం వచ్చి తెలుగులోనే ప్రధాన పత్రిక తన ఉద్యోగులైన జర్నలిస్టులకు కరోనా టెస్టులు చేయించిందట ఇందులో షాకింగ్ విషయం బయటపడినట్టు మీడియా వర్గాల సమాచారం.

సదురు ప్రధాన పత్రికకు కరోనా సెగ తగిలిందట. ఒకటి కాదు రెండు కాదు.. ప్రధాన కార్యాలయంలోని 125మందికి కరోనా టెస్టులు చేయిస్తే ఏకంగా 16మందికి పాజిటివ్ గా బయటపడడంతో ఆ మీడియా సంస్థ ఉలిక్కిపడింది.ఈ పదహారు మంది ఎవరెవరితో కాంటాక్ట్స్లో ఉన్నారు? అనే విషయాన్ని ఇప్పుడు ఆరా తీస్తున్నారు. వాళ్ల కుటుంబ సభ్యులకూ కరోనా పరీక్షలు చేయిస్తున్నారు.

ఉద్యోగులకి కొత్త మార్గదర్శకాలు జారీచేసిన ఏపీ హైకోర్టు

ఉద్యోగులకి కొత్త మార్గదర్శకాలు జారీచేసిన ఏపీ హైకోర్టు

ఆంధ్రప్రదేశ్ లో వైరస్ పాజిటివ్ కేసుల సంఖ్య విపరీతంగా పెరిగిపోతుంది.  రోజురోజుకీ వైరస్ కేసుల సంఖ్య ఎక్కువ అవుతూనే ఉంది. దీనితో రాష్ట్ర ప్రజానీకంతో పాటుగా ...ప్రభుత్వం కూడా ఆందోళన చెందుతుంది. ఇప్పటికే ఏపీ ప్రభుత్వం ఈ వైరస్ తీవ్రంగా ఉన్న ప్రాంతాల్లో కఠిన నిబంధనలు అమలు పరుస్తోంది. తాజాగా అనంతపురం జిల్లాలో లాక్ డౌన్ కూడా విధించింది ప్రభుత్వం. ఇక శనివారం ఏపీలో  కొత్తగా 491 కేసులు నమోదయ్యాయి.

ఈ నేపథ్యంలో ఏపీ హైకోర్టు అధికారులకు సిబ్బందికి ఉద్యోగులకు కీలక మర్గదర్శకాలు విడుదల చేసింది. కార్యాలయంలో ఎలా ఉండాలి? ఎలా ఉండకూడదని హైకోర్టు రిజిస్ట్రర్ రాజశేఖర్ పలు సూచనలు చేశారు. హైకోర్టు అధికారులు సిబ్బంది కేంద్ర కార్యాలయం వదిలి వెళ్లరాదని ఆదేశించింది. ఒకవేళ ఎవరైనా అలా కార్యాలయం విడిచి వెళ్తే తీవ్రంగా పరిగణిస్తామని హెచ్చరించింది.  అలానే కోర్టు వరండాల్లో జనసమూహం ఎక్కువగా ఉండటానికి వీల్లేదని పేర్కొన్నది.  కోర్టు ఆవరణలో తప్పనిసరిగా భౌతిక దూరం పాటించాలి.   కొత్త మార్గదర్శకాలను ఉద్యోగులు ప్రతి ఒక్కరు తప్పనిసరిగా పాటించాలని హైకోర్టు రిజిస్ట్రార్ పేర్కొన్నారు.  కరోనా కేసులు వేగంగా పెరుగుతున్న తెలంగాణ ప్రభుత్వం కూడా ఉద్యోగుల కోసం కొత్త మార్గదర్శకాలను తీసుకొచ్చిన సంగతి తెలిసిందే.

హైదరాబాద్ జర్నలిస్టులకు దిమ్మ తిరిగే షాక్.. రోజులో 23 మందికి పాజిటివ్

హైదరాబాద్ జర్నలిస్టులకు దిమ్మ తిరిగే షాక్.. రోజులో 23 మందికి పాజిటివ్

ప్రజల సమస్యలు.. మహమ్మారి వేళ.. ప్రభుత్వ ఏర్పాట్లు.. ఇలా చెప్పుకుంటూ పోతే ఫ్రంట్ లైన్ వారియర్స్ లో కీలకమైన జర్నలిస్టుల్ని మాయదారి రోగం కమ్మేసింది. ఈ మధ్యనే కొందరు జర్నలిస్టులకు పాజిటివ్ గా తేలటం తెలిసిందే. ఈ నేపథ్యంలో మూడు.. నాలుగు రోజుల క్రితం తెలంగాణ సెక్రటేరియట్ లో జర్నలిస్టుల కోసం ప్రత్యేకంగా మహమ్మారి నిర్దారణ పరీక్షల్ని నిర్వహించారు.

ఈ టెస్టులకు సంబంధించిన ఫలితాలు వెల్లడయ్యాయి. మొత్తంగా నలబై మందికి నిర్వహించిన పరీక్షల్లో 23 మందికి పాజిటివ్ గా తేలటం సంచలనంగా మారింది. దీనికి సంబంధించిన అధికారిక సమాచారం ఆదివారం సాయంత్రం వేళలో బయటకు వచ్చింది. హైదరాబాద్ మీడియాలో ఇదో షాకింగ్ గా మారింది. వాళ్లు.. వీళ్లు అన్న తేడా లేకుండా రిపోర్టింగ్ లో ఉన్న వారికి.. డెస్కులో ఉన్న వారికి సైతం పాజిటివ్ కావటం గమనార్హం.

భారత్ లో వైరస్ విజృంభణ ...యూకేను వెనక్కినెట్టి 4 స్థానంలోకి !

భారత్ లో వైరస్ విజృంభణ ...యూకేను వెనక్కినెట్టి 4 స్థానంలోకి !

భారత్ లో  మహమ్మారి జోరు చాలా ఉదృతంగా కొనసాగుతోంది. రోజుకు సుమారు 10వేల కొత్త కేసులు నమోదవుతున్నాయి. అత్యధిక కేసులు రికార్డువుతుండడంతో మిగతా దేశాలను భారత్ వేగంగా దాటేస్తోంది.  ప్రపంచంలో అత్యధిక పాజిటివ్ కేసులు నమోదైన దేశాల జాబితాలో భారత్ నాలుగో స్థానానికి ఎగబాకింది. ఇప్పటివరకు నాలుగో స్థానంలో ఉన్న బ్రిటన్ను దాటేసింది.  2074397 కేసులతో అమెరికా మొదటి స్థానంలో ఉండగా.. ఆ తర్వాతి స్థానాల్లో బ్రెజిల్ (787489) - రష్యా (502436) వరుసగా రెండు - మూడో స్థానాల్లో కొనసాగుతున్నాయి.

కేంద్ర ఆరోగ్య కుటుంబ సంక్షేమశాఖ వెల్లడించిన వివరాల ప్రకారం.. గడిచిన 24 గంటల వ్యవధిలో దేశవ్యాప్తంగా 9996 కొత్త  వైరస్ పాజిటివ్ కేసులు నమోదయ్యాయి. మరో 357 మంది మరణించారు. తాజా లెక్కలతో దేశంలో నమోదైన మొత్తం పాజిటివ్ కేసుల సంఖ్య 286589కి చేరింది. వీరిలో ఈ  మహమ్మారితో పోరాడుతూ ఇప్పటి వరకు 141029 మంది కోలుకోగా.. 8102 మంది మరణించారు. ప్రస్తుతం మనదేశంలో 137448 కరోనా యాక్టివ్ కేసులున్నాయి.

ఏడాది పాలన పై ప్రజలకు మోదీ లేఖ ..!

కేంద్రంలో ప్రధానమంత్రి నరేంద్రమోదీ నేతృత్వంలో బీజేపీ రెండో సారి అధికారంలోకి వచ్చి శనివారానికి ఏడాది పూర్తయ్యింది. 2019 లో జరిగిన  ఎన్నికల్లో బీజేపీ అఖండ విజయం సాధించి కేంద్రంలో మరోసారి పాగ వేసింది. దేశంలోని ప్రతి పౌరుడి కలను సాకారం చేస్తూ భారత్ స్థాయిని ఉన్నత శిఖరాలకు తీసుకెళ్తూ ప్రపంచ నాయకుడిగా మోదీ కీర్తి గడించారు. ఈ ఏడాది కాలంలో ఎన్నో సమస్యాత్మక అంశాలను సులువు చేసి అనేక విజయాలను మోదీ తన ఖాతాలో వేసుకున్నారు. వివాదాస్పద ట్రిపుల్ తలాక్ బిల్లు పౌరసత్వ చట్ట సవరణ ఆర్టికల్ 370 రద్దు అయోద్య వివాదం వంటి వాటికి శాశ్వత పరిష్కారం చూపించారు. రెండోసారి అధికారం చేపట్టి ఏడాది పూర్తి అయిన సందర్భంగా .. దేశప్రజలకు కృతజ్ఞతలు తెలుపుతూ ప్రధాని మోదీ ఒక లేఖ రాశారు.

లాక్ డౌన్ పై సస్పెన్స్..20 లక్షల కోట్లతో భారీ ప్యాకేజీ

కరోనా మహమ్మారిపై కొనసాగిస్తున్న పోరులో కీలక దశగా భావిస్తున్న లాక్ డౌన్ ను కొనసాగించాలా? లేదంటే... ఈ నెల 17తోనే ఎత్తేయాలా? అన్న విషయంపై ప్రధాన మంత్రి నరేంద్ర మోదీ తనదైన మార్క్ సస్పెన్స్ ను కొనసాగించాలనే నిర్ణయించుకున్నారు. లాక్ డౌన్ కారణంగా నానాటికీ కుదేలవుతున్న ఆర్థిక రంగానికి ఊపిరిలూదేలా లాక్ డౌన్ ను ఈ నెల 17తో ముగిస్తారని దాదాపుగా అన్ని వర్గాలు భావిస్తే... అందుకు విరుద్ధంగా వ్యవహరించిన మోదీ.. అసలు లాక్ డౌన్ ను పొడిగించాలా? వద్దా? అన్న విషయంపై ఈ నె 18 లోగా నిర్ణయం తీసుకుంటామని చావు కబురు చల్లగా చెప్పేశారు. అయితే కుదేలైన ఆర్ధిక రంగాన్ని తిరిగి పట్టాలెక్కించేలా ఏకంగా రూ.20 లక్షల కోట్లతో భారీ ఆర్థిక ప్యాకేజీని మోదీ ప్రకటించారు. ఈ మేరకు మంగళవారం రాత్రి 8 గంటలకు జాతిని ఉద్దేశించి మోదీ కీలక ప్రసంగం చేశారు.

జూన్ 1 వరకు లాక్ డౌన్ ..ప్రధాని సంచలన నిర్ణయం !

జూన్ 1 వరకు లాక్ డౌన్ ..ప్రధాని సంచలన నిర్ణయం !

చైనా లో వెలుగుచూసిన ఈ మహమ్మారి వల్ల ప్రస్తుతం ప్రపంచం మొత్తం లాక్ డౌన్ లోకి వెళ్ళిపోయింది. అయితే ఎన్ని కఠిన మైన చర్యలు తీసుకుంటున్నప్పటికీ కూడా కరోనా భాదితుల సంఖ్య రోజురోజుకి పెరుగుతూనే ఉంది. అమెరికాలో ఈ మహమ్మారి భాదితుల సంఖ్య రోజురోజుకి భారీగా పెరుగుతున్నారు. అమెరికా తరువాత దారుణంగా దెబ్బతిన్న దేశాల్లో బ్రిటన్ ఒకటి.  ఈ  వైరస్ మరణాల సంఖ్యలో యూరప్ దేశాలన్నిటి కంటే టాప్లో కొనసాగుతోంది.

షాకిచ్చిన కేంద్రం: కరోనాతో కలిసి బతకాల్సిందేనట.!

 

షాకిచ్చిన కేంద్రం: కరోనాతో కలిసి బతకాల్సిందేనట.!

కరోనా వైరస్ దేశంలో విస్తరిస్తుండడం.. కట్టడికి విధించిన లాక్ డౌన్ పెద్దగా ప్రయోజనం చేకూర్చకపోవడంతో కేంద్ర ప్రభుత్వంలో నిరాశ నిసృహ వ్యక్తమవుతున్నాయి. తాజాగా కేంద్ర ఆరోగ్యశాఖ జాయింట్ సెక్రెటరీ లవ్ అగర్వాల్ మీడియాతో మాట్లాడుతూ సంచలన వ్యాఖ్యలు చేశారు. దేశంలో  కరోనా కేసుల సంఖ్య 59662కి చేరిందని.. కరోనా వల్ల దేశంలో ఇప్పటివరకు 1985మంది ప్రాణాలు కోల్పోయారని తెలిపారు.

ఈ సందర్భంగా లవ్ అగర్వాల్ మాట్లాడుతూ ‘‘ప్రస్తుత పరిస్థితిని చూస్తుంటే కరోనా వైరస్ నియంత్రణ చర్యలను జీవితంలో ఒక భాగంగా మార్చుకోవాలని.. మన ముందు పెద్ద సవాల్ ఉందని.. కరోనాతో కలిసి జీవించడం నేర్చుకోక తప్పదని’’ సంచలన వ్యాఖ్యలు చేశారు.

దేశవ్యాప్తంగా 216 జిల్లాల్లో ఇప్పటిదాకా కరోనా పాజిటివ్ కేసు ఒక్కటి కూడా నమోదు కాలేదని లవ్ అగర్వాల్ తెలిపారు. 42 జిల్లాల్లో గత 28 రోజులుగా పాజిటివ్ కేసులేవీ నమోదు కాలేదని పేర్కొన్నారు. మరో 29 జిల్లాల్లో గత 21 రోజులుగా కొత్త కేసులు బయటపడలేదన్నారు.

లాక్ డౌన్ మినహాయింపుల నేపథ్యంలో వలస కూలీలు సొంత ప్రాంతాలకు వెళుతున్నారని.. కరోనా విజృంభించే అవకాశాలున్నాయని.. రాష్ట్రాలు అప్రమత్తంగా ఉండాలని లవ్ అగర్వాల్ తెలిపారు. వలస కూలీల కోసం 222 ప్రత్యేక రైళ్లు నడిపినట్లు తెలిపారు. 2.5 లక్షల మంది సొంత ప్రాంతాలకు వెళ్లారని వివరించారు.

ఇది వరకు ఏపీ సీఎం జగన్ కూడా ఇదే మాట అని లాక్ డౌన్ సడలించాలని.. కరోనాతో కలిసి బతకాల్సిందేనని.. ప్రజలు స్వీయ నియంత్రణ పాటించాలని సూచించారు. అప్పుడు జగన్ ను విమర్శించిన వాళ్లకు ఇప్పుడు కేంద్రం ప్రకటన చెంపపెట్టులా మారింది.