బీజేపీ సైద్ధాంతిక కర్త ఆరెస్సెస్ భేటీకి హాజరైన సందర్భంగా అమిత్ షా ఆదివారం ఈ సంచలన వ్యాఖ్యలు చేశారు. భారత తొలి ప్రధానినే తప్పుబట్టడం అంటే మాటలు కాదు కదా. అందుకేనేమో అమిత్ షా కూడా కాస్తంత క్లారిటీగానే అంశాల వారిగానే నెహ్రూ తప్పులను ఎత్తి చూపించారు. షా చెప్పిన నెహ్రూ తప్పులు ఏమిటన్న విషయానికి వస్తే... కశ్మీర్ అంశంపై నెహ్రూ ఐక్యరాజ్యసమితిని ఆశ్రయించడమే పెద్ద తప్పని అమిత్ షా ఆరోపించారు. అంతేకాకుండా కశ్మీర్ విషయం పట్ల నెహ్రూ ఎంచుకున్న చార్టర్ కూడా పొరపాటేనని కూడా అమిత్ షా సంచలన వ్యాఖ్యలు చేశారు. కశ్మీర్ విషయంలో నెహ్రూ చార్టర్ 35ను ఎంచుకున్నారని ఇది ముమ్మాటికీ తప్పేనని చెప్పేసిన షా... చార్టర్ 35కు బదులుగా చార్టర్ 51ని ఎంచుకుని ఉంటే బాగుండేదని కూడా చెప్పారు.
ఇక కశ్మీర్ లోని కొంత భాగాన్ని నాడు పాకిస్థాన్ తన్నుకుపోవడానికి కూడా నెహ్రూనే కారణమని కూడా అమిత్ షా మరో సంచలన వ్యాఖ్య చేశారు. పాక్ తో కాల్పుల విరమణకు నెహ్రూ ఒప్పుకున్నారని అదే అదనుగా దుర్బుద్ధితో ముందుకు సాగిన పాక్... కశ్మీర్ లోని కొంత భాగాన్ని తన్నుకుపోయిందని అమిత్ షా వ్యాఖ్యానించారు. పాక్ తో కాల్పుల విరమణ విషయాన్ని నాడు ఉప ప్రధానిగానే కాకుండా హోంవ మంత్రి గా ఉన్న సర్దార్ పటేల్ ను సంప్రదించకుండానే నెహ్రూ ఏకపక్షంగా నిర్ణయం తీసుకోవడాన్ని కూడా షా తప్పుబట్టారు. ఆ సందర్భంగా పటేల్ ను నెహ్రూ సంప్రదించి ఉంటే... ఇప్పుడు పాక్ ఆక్రమిత కశ్మీర్ అన్న పదమే వినిపించి ఉండేది కాదని కూడా అమిత్ షా ఆరోపించారు. మొత్తంగా పాక్ - భారత్ ల మధ్య ఎడతెగని వివాదాలు - కశ్మీర్ అగ్నిగుండంగా మారడానికి వేరెవరో కారణం కాదని - దానికి తొలి ప్రధాని నెహ్రూనే కారణమని అమిత్ షా చేసిన వ్యాఖ్యలు ఇప్పుడు వైరల్ గా మారిపోయాయి.
హైదరాబాద్ జునాఘద్ లలో పటేల్ సాధించినది ... కాశ్మీర్ లో నెహ్రూ సాధించలేకపోయాడు... నెహ్రూ ఖచ్చితంగా తప్పు చేసాడు
ReplyDelete